بلوچستان ءِ جاور جنگی جاور اَنت بلکیں بیست ءُ دو 22 سال اِنت اے جنگ جاری اِنت پیسری گیچین کاریاں بازیں اُرش بیتگ اگاں مرچی بگوش ءِ کس سرپد نہ اِنت گُڑا رَد اِنت.
بلوچ ءَ وتی وتواجہی ءِ ھاتر ءَ ھزاراں سر کُربان کُتگ ھزاراں ورناھاں پیر کماشاں سر داتگ انت زھگ زالبولاں ھزاراں لوگ سُوچگ بوتگ کِشت کشار مانداشتگ اَنت ھزاراں بلوچانی دلوت کُشگ بیتگ اَنت ھزاراں بلوچ بچ گار بیگواہ تاں روچ مرچی.
سُچ ایت ھما جاہ کہ آس ءِ پِر بیت.
چہ دژمن ءِ دست ءَ چُشیں لوگے نیست اُود ءَ زُلم نہ بیتگ درست بلوچ لوگ درد داتگ اَنت ھمے دردانی تہ ءَ تو گیچین کاری ءَ نیندے تو بزان دژمن ءَ مُھکم کنگ ءَ ئے راج دپتر گواہ بیت کہ کئے دژمن مُھکم کُتگ.
بلوچستان ءَ دیر اِنت گیچیں کاری دژمن کنت وتی تب ءِ مردماں دار ایت ھما کہ ھچ پرواہ نہ کنت بلوچ نسل کُشی یے.
بلوچ مھلوک وتی پرز ءَ پیلو بکنت وتی راہ ءَ بلوچ ھونواراں پہ مہ دنت اے یک وت بلائیں کارے سِنگے جت نہ کن اِت وتی سرڈگار بھا کنوکاں پہ راہ مدی ات
گیچین کاری بلوچستان آجو بہ بیت جوان اِنت انّی جنگ اِنت تو وتی راہ اگاں دات پہ ھونیاناں کہ بلوچ ءِ کُشت ءُ کوش ءَ پہ دست مان اِنت تو شریک ءِ باندات ءِ ھرچینکس ھون کوش بیت بلوچ لوگ ءَ تو ھور ءِ گوں ،
دست بندی چہ بلوچ راج ءَ ھمیش انت یکیں نیکی تئی نشان اِنت گیچیں کاری ءَ مرو ووٹ مہ دئے پہ دژمن ءَ
ووٹ والاھاں بلوچ راج ءَ را تاوان ءَ دیم دگہ ھچ نہ داتگ پہ کسانیں لالچ ءُ ھرس ءَ وتی مات بھا کُتگ.
ما شُما گل ءَ بالیں واجھاں نادْرہ جاہ وانگ جاہ یا کہ کِشت کشاری جاہ جوڑ کُرتگ ۔
اے درست دژمن ءَ پہ وتی سیت ءَ توپنگی جاہ جوڑ کُرتگ اَنت۔
بلوچ راج ءَ را گیش گلامی تہ ءَ مُھکم کُرتگ۔
مرچی دُزی ڈونگی گیش اِنت بلوچ شھید بوھگ ءَ اِنت روچ رھمی اے درست توپنگ چہ کُج ءَ ھمے دژمن ءِ مردم اَنت ءُ ووٹ لوٹوکیں مردمانی تاگت تیر اَنت ۔
بلوچ راج ھما وھد ءَ آسودگ بیت وتی وتن ءِ مالک بیت ۔
پد ءَ الم ءَ گیچین کاری ءَ برو.
