(ھمگام حال) بی وائی سی ءِ جارکش ءَ گْوشتگ کہ کاروان جتاجتائیں دمگاں نندیت ءُ اودا راجی مچی ءِ شھیدانی واستہ دیوان کنت ۔
راجی مچی ءِ شھیدانی واستہ اے ھند ءُ دمگاں دیوان برجم دارگ بیت۔
تربت : بلوچ راجی مچی ءِ شہیدانی واستہ مرچی بیگاہءِ سہت چار ءَ شہید فدا چار راہ ءَ دیوان بیت۔
10اگست ءَ کاروان چہ تربت ءَ سہب ءَ مہلہ دیم پہ گریشہ ءَ رھادگ بیت۔ گریشہ ءَ راجی مچی ءِ شہیدانی یات ءَ شپ ءَ دیوان بیت۔
دہ اگست ءِ شپ ءَ کاروان چہ گریشہ ءَ دیم پہ سوراب ءَ روت۔ ماں سوراب ءَ بلوچ راجی مچی ءِ شہیدانی یات ءَ دیوان کنگ بیت۔
11اگست ءَ کاروان چہ سوراب ءَ دیم پہ نوشکی ءَ رھادگ بیت۔ ماں بلوچ راجی مچی ءِ شہیدانی واستہ نوشکی ءَ دیوانے برجم دارگ بیت ۔
12اگست ءَ بلوچ راجی مچی ءِ کاروان چہ نوشکی ءَ دیم پہ شال ءَ رھادگ بیت۔ شال ءِ تہا راجی مچی ءِ شہیدانی واستہ دیوان بیت۔
