تُرسناکیں سهدار

ولادیمیر گریگوری سوتیوا

یکبرے که هونڈے ( کونڈے ) اش دیست ! کونڈ ءِ تها بیمناکیں سهدارے گوں روکیں چماں گندگ بوت .

زهگاں چه ترس ءَ گُڑست و وتی سَپت اش دَؤر دات و تتک انت . جنگل ءَ کوکار کناں تچان اتنت که گوں جنگلپان دچار کپت انت .

– چئے بیتگ باریں ؟ _ جنگپان سوج کرت انت

– مئی سرا  ترسناکیں سهدارے بیڑ آرت . کمے هست ات که ما را به وارت . _  چکاں جواب دات .

         جنگلپان هیران بوت که چه کجا مئی جنگل ءَ  ترسناکیں سهدارے ودی بوته و شت که وتی به گندیت .

         شت انت تاں که هونڈ ءَ سر بوت انت . جنگلپان هونڈ ءَ جوان چار ات . بیمناکیں سهداری هم دیست که نشتت و روک روک گوں شدیگیں چماں آهاں چارگ ات . جنگلپان وتی توپک ءَ چه کوپگ ءَ زرت و دیم په هونڈی تچک کرت و گوں برزیں توارے که سرجمیں جنگل ءَ اشکنئگ بوت گوانکی جت :

– دستاں برز ءَ کن و چه هونڈ ءَ درکپ !

و چه هونڈ ءَ چو  درکپت . … کسانکیں پشکے ات .