سراوان(ہمگام نیوز ) سراوان سے کوہک جانے والی شاہراہ پر دو سوختبر گاڑیوں کے درمیان آمنے سامنے شدید تصادم کے نتیجے میں دونوں گاڑیوں کے ڈرائیور موقع پر ہی جاں بحق جبکہ دو دیگر سوختبر شدید زخمی ہوگئے۔
ذرائع کے مطابق جاں بحق ہونے والے بلوچ سوختبر کی شناخت 24 سالہ سہیل حسین بر ولد احمد کے نام سے ہوئی ہے۔ وہ شادی شدہ اور سراوان کے علاقے گشت کا رہائشی تھا۔ زخمی سوختبر کی شناخت 25 سالہ محمد حسین بر ولد عبدالوهاب کے نام سے ہوئی ہے، جو گشت، سراوان کا رہائشی ہے۔
ذرائع کے مطابق حادثہ 18 اگست 2026 کو دوپہر تقریباً ایک بجے پیش آیا۔ دو بلوچ سوختبر ایک پژو 405 میں سراوان سے کوہک کی جانب جا رہے تھے کہ ان کی گاڑی سامنے سے آنے والی ایک ٹویوٹا سوختبر گاڑی سے ٹکرا گئی۔ تصادم اتنا شدید تھا کہ دونوں گاڑیوں کے ڈرائیور موقع پر ہی جان کی بازی ہار گئے جبکہ دونوں گاڑیوں میں سوار دو دیگر افراد شدید زخمی ہوگئے۔
ٹویوٹا گاڑی میں سوار جاں بحق اور زخمی ہونے والے دونوں بلوچ سوختبروں کی شناخت تاحال حال وش کے ذرائع سے معلوم نہیں ہوسکی ہے۔
