سنندج ( ہمگام نیوز) اطلاعات کے مطابق ایرانی زیر قبضہ کردستان کے مختلف شہروں کے جیلوں میں قابض ایران نے چار کرد قیدیوں کے پھانسی دی ہے ـ تفصیلات کے مطابق
خرم آباد سنٹرل جیل میں محمد پایدار اور پیمان اکبری برگانی نامی دو قیدیوں کی سزائے موت پر عمل درآمد کیا گیا۔ اس کے علاوہ فیروز یاری نژاد گراوند نامی قیدی کی سزائے موت بھی معطل کر دی گئی۔
انسانی حقوق کی تنظیم ہینگاو کی والی رپورٹ کے مطابق 15 مئی 2023 کی صبح ساڑھے 6 بجے محمد پایدار اور پیمان اکبری برگانی کو پھانسی دی گئی، جو دونوں صوبہ خوزستان کے شہر شوشتر سے تھے۔ خرم آباد سنٹرل جیل میں میں ان کی پھانسی عمل میں لائی گئی ـ
ہینگاؤ کی رپورٹ مطابق صوبہ لرستان کے کوہدشت سے تعلق رکھنے والے فیروز یاری نژاد گراون کی سزائے موت کو غیر معینہ مدت کے لیے معطل کر دیا گیا ہے۔
ان تینوں قیدیوں کو قبل ازیں منشیات سے متعلق الزامات میں گرفتار کیا گیا تھا اور ایرانی ک عدالتی نظام نے موت کی سزا سنائی تھی۔
محمد پےدار اور پیمان اکبری برگانی کی پھانسی کی خبر سرکاری میڈیا اور عدلیہ سے وابستہ میڈیا میں شائع ہونے تک اس کا اعلان نہیں کیا گیا تھا۔
مزید اطلاع کے مطابق رشت کی لاکان جیل میں 60 سالہ حسین شبان زادہ نامی قیدی کو پھانسی دی گئی۔ اس سے قبل اسے “جان بوجھ کر قتل” کے الزام میں خود انتقامی کارروائی کی سزا سنائی گئی تھی۔
انسانی حقوق کی تنظیم ہینگاو کی رپورٹ کے مطابق 11 مئی 2023 کو صبح کے وقت رشت کی لاکان جیل میں حسین شبانزادہ نامی ایک بزرگ قیدی کو پھانسی دے دی گئی۔
ایرانی انسانی حقوق کی تنظیم کے مطابق اس قیدی کو پہلے سوچے سمجھے قتل کے الزام میں گرفتار کیا گیا تھا اور ایران کے عدالتی نظام نے اسے موت کی سزا سنائی تھی۔
سرکاری میڈیا اور عدلیہ سے وابستہ میڈیا میں اس خبر کے شائع ہونے تک حسین شبانزادہ کی پھانسی کی خبر کا اعلان نہیں کیا گیاہے ۔
دوسری جانب دہدشت تعلق رکھنے والے دو قیدیوں کی سزائے موت پر عمل درآمد کیا گیا جن کا نام کمبیز داورپناہ اور شمل آدیش ہے، جنھیں پہلے منشیات سے متعلق جرائم میں سزائے موت سنائی گئی تھی، کرمان کی مرکزی جیل میں پھانسی دی گئی۔ رپورٹ کے مطابق 13 مئی کی صبح کو کرمان کی سنٹرل جیل میں دہدشت کے دو قیدی کمبیز داورپناہ اور شمل آدیش کو پھانسی دی گئی۔
کمبیز کو پانچ سال قبل منشیات سے متعلق جرائم میں گرفتار کیا گیا تھا جہاں ایرانی عدالت نے اسے پھانسی کی سزا سنائی تھی۔
دوسری جانب موصول ہونے والی اطلاعات میں کرمان جیل میں چار دیگر قیدیوں کو پھانسی دیے جانے کی نشاندہی کی گئی ہے، جن کی شناخت کی اب تک تصدیق نہیں ہو سکی ہے۔
دریں اثنا کردستان کے مرکزی شہر سنندج کے سنٹرل جیل میں سعید ارجمندی اور کیومرث منبری کے نام سے شناخت دو قیدیوں کی سزائے موت پر عمل درآمد کیا گیا، جنہیں پہلے “جان بوجھ کر قتل” کے الزام میں سزائے موت سنائی گئی تھی۔
واض رہے کہ قابض ایران نے گزشتہ تین ہفتوں کے دوران درجنوں کرد اور بلوچ قیدیوں کو بے بنیاد الزامات کے تحت تختہ دار پر لٹکا چکا ہے ـ
