کیلیفورنیا (ہمگام نیوز) الیکٹرک گاڑی بنانے والی مشہور کمپنی ٹیسلا کے سرمایہ کار 6 نومبر کو ووٹ دیں گے کہ آیا ایلون مسک کے لیے پیش کردہ ایک کھرب ڈالر مالیت کے معاوضے کے پیکج کو منظور کیا جائے یا نہیں۔
یہ ممکنہ طور پر دنیا کی تاریخ کا سب سے بڑا سی ای او معاوضہ منصوبہ قرار دیا جا رہا ہے۔
ٹیسلا کے بورڈ نے حصص یافتگان سے اپیل کی ہے کہ وہ اس منصوبے کی منظوری دیں۔ کمپنی کی چیئرپرسن رابن ڈنہوم نے خبردار کیا ہے کہ اگر یہ پیکج مسترد کر دیا گیا تو ایلون مسک ممکنہ طور پر کمپنی چھوڑ سکتے ہیں۔
یاد رہے کہ مسک کو پہلے بھی ٹیسلا کی ترقی میں غیر معمولی کردار ادا کرنے پر کئی ارب ڈالر کے حصص دیے جا چکے ہیں، مگر اس نئے پیکج کی مالیت تمام سابقہ ریکارڈ توڑ دے گی۔
