چمن (ھمگام نیوز) بائی پاس پر زلزلہ کے نتیجے میں گھر کی دیوار گرگئی جس سے تین بچے جاں بحق اور خواتین سمیت پانچ افراد زخمی ہوگئے۔
تفصیلات کے مطابق چمن کے بائی پاس پر بلالزئی محلہ میں گزشتہ شپ دس بج کر پندرہ منٹ پر ہونے والے زلزلے میں جانان نامی شخص کے گھر کے ایک حصے کی دیوار گرگئی۔
ذرائع کے مطابق واقعے میں دو بچیاں اور ایک بچہ جاں بحق ہوگئے جب کہ خواتین سمیت پانچ افراد زخمی ہوگئے ہیں۔
زلزلے کا مرکز کوئٹہ شہر سے پچاس کیلومیٹر دور شمال مغرب کی جانب ہے جب کہ زلزلے کی شدت ریکٹر اسکیل میں 3.6 رکارڈ کی گئی ہے۔
