دزاپ (ہمگام نیوز ) اطلاعات کے مطابق بروز جمعہ کو قابض پاکستانی فورسز نے مقبوضہ بلوچستان میں واقع شہر پنجگور میں مقبوضہ ایرانی بلوچستان سے تعلق رکھنے والے ایک بلوچ تیلکش کو گرفتار کیا ہے ۔ تفصیلات کے مطابق ایرانی مقبوضہ بلوچستان سے تعلق رکھنے والے ایک بلوچ تیلکش 24 سالہ علی دامنی ولد بہرام ساکن مہگس کو قابض پاکستانی فورسز نے پنجگور سے گرفتار کرکے نامعلوم مقام پر منتقل کردیا ہے ۔
رپورٹ کے مطابق علی کا کام فیول کیریئر ہے، اور ایک سائپا وین کے ذریعے ایندھن ایک منڈی (فیول ڈپو) میں پہنچانے کے بعد، اسے واپسی پر راستے میں ایک چوکی پر پاکستانی فوجی اہلکاروں نے گرفتار کر لیا۔
مزید رپورٹ کے مطابق اس بلوچ شہری کے اہل خانہ کو اس کی گرفتاری کی اطلاع مقبوضہ بلوچستان سے ایک دوست کے ذریعے دی گئی تھی اور اب وہ اپنے بچے کی صحت اور اس کے ٹھکانے کو لے کر بہت پریشان ہیں۔
