ایرانشہر (ھمگام نیوز ) گزشتہ روز بروز منگل، 21 جولائی 2026ء کی صبح ایرانشهر کی جیل میں قتل کے جرم میں قصاص کی سزا پانے والے ایک بلوچ نوجوان کی سزائے موت پر عمل درآمد کر دیا گیا۔ متوفی نے مبینہ جرم 14 سال کی عمر میں کیا تھا۔
انسانی حقوق کی تنظیم “حال وش” کے مطابق، اس سزائے موت کے منتظر نوجوان کی شناخت 18 سالہ میثم ایرندگانی کے نام سے ہوئی ہے، جو خاش کا رہائشی تھا۔ پھانسی کی تاریخ پر اس کی عمر 18 سال تھی، جبکہ وقوعہ کے وقت وہ محض 14 سال کا قاصر تھا۔
ذرائع کے مطابق: «میثم کو تقریباً چار سال دو ماہ قبل 14 سال کی عمر میں اس وقت گرفتار کیا گیا جب خاش میں اس کی ورکشاپ پر آنے والے چار افراد سے اس کا جھگڑا ہو گیا۔
میثم کے قریبی رشتہ داروں کا دعویٰ ہے کہ ان افراد نے اس سے ایک چوری شدہ گاڑی کے پرزے الگ (اوراق) کرنے کا کہا تھا، اور اس کے انکار پر تنازع کھڑا ہو گیا۔
جھگڑے کے دوران جب ان افراد نے ورکشاپ کے قریب ہی نانبائی کی دکان چلانے والے میثم کے نانا پر حملہ کیا، تو میثم نے چھری کے وار سے ان میں سے ایک شخص کو قتل کر دیا۔»
ذرائع نے مزید بتایا: «واقعے کے فوراً بعد میثم نے خود کو عدالتی حکام کے حوالے کر دیا تھا۔
اسے پہلے زاہدان کی اصلاحی و تربیتی جیل اور بعد میں ایرانشهر جیل منتقل کیا گیا تھا۔ اس نے قید کے دوران قرآن پاک کا مکمل حفظ بھی کر لیا تھا۔»
واضح رہے کہ اقوام متحدہ کے بچوں کے حقوق کے معاہدو (CRC) اور شہریت و سیاسی حقوق کے بین الاقوامی میثاق کے تحت جرم کے وقت 18 سال سے کم عمر افراد کو سزائے موت دینا ممنوع ہے۔
انسانی حقوق کی عالمی تنظیمیں ایران میں اس قسم کی سزاؤں کے تسلسل پر مسلسل تشویش کا اظہار کرتی رہی ہیں۔ حقوق انسانی کے اداروں کے مطابق، ایران کی کل آبادی میں بلوچ اقلیت کا تناسب کم ہونے کے باوجود، سزائے موت پانے والوں میں ان کا تناسب سب سے زیادہ ہے، جو کہ بین الاقوامی سطح پر شدید تنق
ید کا باعث ہے۔
