برمش ءِ مات ءَ پہ وتی سرڈگار ءَ سر بکشاتگ ءُ وتی ھون ریتکگ اَنت برمش ءِ مات یک شیرزالے بوتگ برمش ءَ اگاں انساپ دیگ لوٹ اِت گڑا آ بلوچستان ءِ آجوئی اِنت برمش ءَ ھما وھد ءَ دان انساپ رسیت کہ بلوچ وتی سرڈگار ءِ واھند وت بنت دان کہ پاکستان بدیں نام مئے سرا چے چُٹ اِیت ما مدام زلمانی آماچ بہ اِیں
یک نیمگے ٹپ انگت تازگ اَنت دومی نیمگ ءَ پاکستان وتی داشتگیں کاسگ لیسانی کمک ءَ بلوچاں کشگ ءُ دَور دیگ ءَ اِنت مرچی پد ءَ لھتیں بلوچ گوادر ءَ پاکستان ءِ چانوگراں یک کماشے گوں ورنایے ءَ کشتگ
بالگتر ءَ اوں انچو گِسے ءَ لھتیں سلاہ بندیں مردماں دَور کتگ ءُ زالبول لٹ ءُ کٹ کتگ لھتیں مردم کشتگ
انساپ ءِ گپ پاکستان ءِ تہ ءَ ھشکیں گپ انت مارا انساپ ھما وھد ءَ رس ایت کہ پنجابی وتی زوراکیں لشکر زوریت ءُ بلوچستان ءَ چہ درکپیت
مرچی اگاں اے روانک کہ درکپتگ انت بلوچستان ءِ کنڈ کنڈ ءَ روانک کشگ بوھگ ءَ انت بلوچانی باتن ءِ درد انت بلوچ ءَ را نی اوپار ءَ جواب داتگ ترس ءُ بیم ءِ سانکل بلوچاں سِستگ انت پاکستان ءَ مدام بلوچ بیھار داتگ انت پہ ترس داشتگ انت یک مردمے ترس ءُ بیم ءِ چیر ءَ دارگ نہ بیت یک راجے پہ ترس تو چنچو وھد ءَ داشتگ کن ئے ؟
بلوچ نی لاچار انت
گپ کنت کہ زلمانی آماچ اِنت گپ نہ کنت اوں زلمانی آماچ اِِنت
بلوچ ءَ پمیشکا وتی توار پد ءَ یک رندے برز کرتگ بلوچ راج ءَ را سما انت من ھر رنگ ءَ مِرگ ءَ آں
بہ گند ئے اے توار نی مارا مئے مرادانی منزل ءَ سر بہ کنت
اے چاریں دُزانی گرگ ءَ یا کشگ ءَ برمش ءَ انساپ نہ رس اِیت پاکستان داں ھست انت اے پیمیں ناروائی ھست اَنت دگہ دُز پیداک بیت پرچا کہ تھنا یک برمشے ءِ گپ نہ اِنت سرجمیں بلوچستان ءِ گپ اِنت ءُ دگہ ھزاراں برمشانی وشیانی روچ تھاریاں بدل بوتگ دگہ ھزاراں برمش بے مات بوتگ
مئے مکھیں مات ملکناز ءِ ھونی دگہ کس نہ انت بلکیں پاکستان اِنت اے روانک کہ مرچی کَشّگ بوھگ ءَ انت پہ پاکستان ءِ ھلاپ ءَ پاکستان ءِ داشتگیں کاسگ لیسانی ھلاپ ءَ پاکستان ءِ بدیں کردانی پدر کنگا۔
ملکناز مئے مات انت کُل بلوچ ءِ مات پمیشکا من گش آں برمش انساپ نہ لوٹیت برمش بلکیں وتی مکھیں ڈیھہ ءِ آجوئی ءَ لوٹیت برمش ءَ گوں انساپ بلوچستان ءِ آجوئی انت
