ھمگام بلوچی نبشتانک
نبشتہ کار: کامریڈبلوچ
من نوک بالگتر اتکگ اتاں نوک نوکیں سنگتاں هوار بوهان اتاں بلے هر کُجا کہ مئے دیوان بوت دیوان ءِ تہ ءَ من رهمین ءِ نام الم اش کُرتگ ات بالگتر ءِ نزیک ءُ گوراں هر کُجا لشکر ءِ سرا اُرش بوت گُڑا رهمین ءِ نام الم دیم ءَ اتک، من سک باز جُهد کُرت کہ گوں رهمین ءَ دیوان ءِ بہ کن آں بلے من بالگتر ءِ سپر سک گُونڈ گپت گوں رهمیں دیوان نہ بوت ءُ واتر بوت آں دیر نہ گُوست بالگتر ءِ سنگت مئے اوتاک ءِ نزیک ءَ اتک آں ءُ مارا هال ءُ اِهوال کُرت اش سنگت انگت دیما رؤگی اتاں مئے اوتاک ءَ نہ یتک آں بلے سنگتانی لھتیں چیز مئے اوتاک ءَ ایر اَت کماش ءَ گوں سنگتاں هال کُرتگ ات کہ شُما پِلاں جاگہ ءَ بہ نِند اِت من شُمئے چیزاں روان دیاں
کماش ءَ من ءَ ءُ دگہ یک سنگتے ءَ را چیز دات آں کہ شُما بُرو ات سنگت شُمے وداریگ انت ما وهدے سنگتانی کرا سر بوت آں مارا شپ کپت دُرستیں سنگت شُتگ آں بس دو سنگت نشتگ ات یکے مُرید ات ءُ دومی من پجاه نیارُت کمو دیوان کُت سنگت سک اشتاپ اتاں اے ھند ءِ مهلوک ،مردم ،کوم ءُ راج ءِ دُرستانی جُست همے نوکیں سنگت ءَ مارا کُرت آں من جواب دات آں سنگت ءِ بچکند ءُ وشیں گپ آں گوں مئے دیواں سک وش کُرتگ ات دل ءَ نہ گُشت کہ پاد بیا بلے سنگتانی اشتاپی ءُ پاٹی ءِ کار ……
سنگت پاد آتک آں گُڑا گُڈ سرا من ءَ مُرید جُست گپت کہ سنگت ءَ پجاه کارئے من گُشت اِنا گُش ایت اسهاک انت من جُست گپت کُجام اسهاک؟ گُش ایت بالگتر گِڈگی والا (رهمیں) انت من مُرید ءَ گُشت گُڑا لیٹ ءَ روک کن من سنگت ءَ شر چاراں لیٹ ءِ جت من چار ات من ءَ گُش ایت تئی نام گُڑا مُرید گُشت (کامریڈ ) من ءَ گُش ایت تئی نام اِش کُرتگ گُڈ سرا سنگتاں مارا رکست کُرت ءُ راه کپت آں
هپتگ ءِ نہ گُوست کہ نوکیں لمبر ءِ منی گوانکو ءَ (پونے) اتک من چِست کُرت سلام ءُ دروت ءَ پد من گُشت
واجہ تئی نام ؟؟
گُش ایت من واجهے نہ اوں منی نام رهمین انت
من پدا جُست گپت کُجام رهمین؟
گُشت ئے !
شوم بلوچستان ءِ تہ ءَ رهمین نامیں دگہ مردم نیست ایوکا من اوں تو من ءَ پجانیارئے
من بلاهیں ٹهک ءِ دات ءُ گُشت هئو بزاں توئے چونیں سنگت پاٹی وش انت گُش ایت دُرست برابر انت پدا من گُشت منی نمبر ترا کے داتگ گُش ایت جلال
من سائیکل ءَ سوارتاں ءُ جاگهے رؤگ ءَ اتوں من گُشت ترا رند ءَ هال کناں انوں من رهادگ اوں گُش ایت هوار اوں وشیں الله ءِ باهوٹ ئے
پدا دیراں هال ءُ اهوال نہ بوت
لھتیں وهد گُوست سنگتاں هال کُرت کہ رهمیں گوں لشکرا دچار کپتگ ءُ تنیگ ءَ هال نیست سنگت دُرست درکپتگ آں رهمیں ءُ فراد(شهید ولی) ءِ هال نیست من نیٹ ورک ءَ نشت اوں پدا منی گوانکو ءَ توار کُرت من جلدی جلدی چست کُرت هاں سنگت هال کن رهمین ءِ هالاں بہ دے گُش ایت رهمین تیر وارتگ بلے پریشان مہ بو وش انت گُڑا من جُست کُرت فراد گُش ایت فراد وشیں همد ءَ مئے کِر ءَ انت ما اوتاک ءَ روگ ءَ آں من گُشت برو ات پدا منا هال بہ کن ات
ساهتے ءَ پد سنگت ءَ هال کُرت من گُشت باریں سنگت چونی ءَ دُچار کپتگ آں گُشت ئے
بالگتر ءَ سنگت لکیر بِزاں کہ سی پیک ءَ گوزگ ءَ بوتگ آں کہ لشکر ءِ گاڈی اتکگ آں لشکراں جنگ بندات کُرتگ سنگتاں هم تیر جتگ بلے بندات ءِ تیراں کمانڈر رهمین ءَ گپتگ ءُ رهمین همد ءَ کپتگ سنگت دلجم بوتگاں کہ رهمین ءُ فراد شهید بوتگ آں سنگت چِداں چے درکپتگ آں ءُ نزیک ءَ نیٹ ورک ءَ اتکگ آں ءُ دِگہ نوکیں سنگت لوٹاهینتگ گُڑا سنگت فراد ءَ رهمین ءَ سائیکل ءَ سوار کُرتگ پدا سنگتانی کِر ءَ پہ سلامتی آتک ءَ ءُ سر بوتگ
رهمین پہ زمیں گنوک ءُ پہ مسلیں هاک شیدا بوتگ رهمین وتی کوم ءُ راج ءِ درد شری ءِ سرا پہمتگ ءُ سرپد بوتگ کہ پہ بزگیں کوم ءَ مارا ءُ شُمارا چے کنگی انت
رھمین ءَ وتی ھند ءُ دمگ ءِ ورناھاں چہ نشہ ءُ دگہ سلکاریاں چہ رکینگ ءَ جوانیں راہ ءِ رھشونی کتگ وتی راج ءِ ورناھانی مدام بلوچسان ءِ آجوئی ءِ جھد ءِ راہ ءِ سکین داتگ
رهمین وتی روچ ءُ شپ یک کُرتگ انت بالگتر ءِ هند ءُ دمگاں کس ءَ را هچ مجال نہ بوتگ کہ پہ زور یکے ءِ ھک ءَ بوارت ءُ نا کہ یکے دُزی بہ کنت پہ کوم ءِ باندات ءِ واستہ رهمین گوں کُلیں شهیداں وتی مرچی ندر کُرتگ
رهمیں تو جھیند ءُ بالگتر یل کُت آں بالگتر ءِ کپ (ڈاک ) ءُ کوه پہ تئی وشیں ٹهکاں مُدامی تلوس انت
بالگتر ءِ دلبند تنگے شهید مُراد ،شهید میرل ،شهید شہیک ،شهید باهڈ ءُ شهید جلال جان ءِ هوناں گوں میچل انت کہ مرچی تو پِدا بالگتر ءِ ٹپ نوک کُرت آں
تئی ٹھک ءُ بچکندگ تئی رهبری ءُ تئی کمانی ءِ کنڈ پہ سنگتانی هاترا هالی اِنت
رهمین بیا کہ بے تو سنگر ابیتک بوت آں مُدتے بیت بالگتر ءِ مردم پہ تئی توپک ءِ تیرانی توار ءِ وداریگ آں بلے نوں من زاناں کہ بالگتر وهدی بالگتر نہ بیت پہ بلوچاں!
