بلوچ راجی رھشونانی ناتپاکی پچیں کتاب ءِ لس مھلوک سر پد اِنت زانت جِتا جِتائیں گپ جنت کور ءِ دپ بندگ بیت بلے کوم ءِ نہ بیت بلوچ ءِ کَسان کسانین زھگ چُک زان اَنت کہ بے تپاکی ءَ ھچ نہ بیت دیریگیں بلوچ ءَ گپ جَتگ مرچی رُستگ اَنت چہ ناتپاکی ءَ دوری ودی بیتگ ۔
تپاکی ءِ بابت ءَ تاں بیاں ءَ است اَنت تاں بلوچ مھلوک سرپد بہ بیت ما تپاکی ءِ واستہ کار کنگ ءَ ایں بلے چہ اندر ءَ یک دومی ءِ سر ءَ کینگ زھر است ھالانکہ کومی راجی جُھد گوں کینگاں نَبنت پُشت ءَ رواں انت ۔
بلوچ جُھد کاراں بلوچستان سر زمین ھون وارینتگ ءُ انگت وتی ھونان ریچگ ءَ اَنت وتی راجی زمہ واری ءَ پیلو کنگ اَنت وت ءَ را کُربان کنگ ءَ اَنت لوٹ کنگ ءَ اَنت یک مُشت ببئے ـ
یک رھشونے گوں زانتکاراں یک چیزے جوڑ کنت دومی کئیت نمنّ ایت ئیے کہ من سرپد نہ اوں من ءَ ھال نہ کُرتگ ایش کبول نہ اِنت یک پردے تپاکی ءَ بُرًیت دومی واہ پریاد جنت واجہ منی آجوئی پوئینٹ ءَ چمن پچ مہ گِر اِت کہ منی ھکّ اِنت دگہ ھرچی بدلی کار اِت بیار اِت نہ واجہ ما نمنّیں باری باری ءَ ھمے رنگ ءَ یک دومی ءَ نمنّگ ءَ ناتپاکی ءَ رودم زرتگ چہ مسترینانی ناتپاکی ءَ تاوان بلوچ راج ورگ ءَ اِنت بیت کنت دیم ءِ مستر سُد سما ءَ نَہ اِنت بلوچ راج زمین ءِ سرے مھلوک ءَ را دژمن ءَ چینکس بزگ لاچار کُرتگ ۔
وھدے کہ کُل بلوچ تپاک یکجاھی ھوری لوٹ اَنت رھشون پرچہ ھور تپاک نہ بنت؟
دُنیا تاگت ءَ چار ایت تاگت یک مُشتی یے تہ ءَ اِنت بلوچ راج ءَ را یک رھشونے لوٹ ایت ایش گپ کہ تالاں شنگ کُرتگ ایش گپ دژمن ءِ گپے کہ سردار نواب میر زید پِلاں ایش گپ تپاک بوھگ ءَ نئیلیت بلوچ راج ءَ را۔
مئے رھشون ھم اُپار بکن اَنت برداشت یکے دیم ءَ بیار اَنت آرا چو یل ءَ مہ کن اَنت پہ کانون راھبند دیم بیار اَنتیں ناکابل بیت چہ زمہ واری یے سر ءَ ولگوج ءِ بکن اَنت گوں شور سلاہ ءَ گوں مُچی یے پیسلہ ءَ۔
یک ادارھے جوڑ بہ بیت گوں ھوری ءَ گوں یک رھشونے ءَ ھر کس کہ کابل بیت آر ءَ دیم ءَ بلوچ مھلوک سلیکٹ کنت۔
انوگیں لیڈر شیپ گیشر ورکرانی کابلیت ءَ چہ دیم ءَ آتکگ اَنت ورکر مھلوک درست وت کُرتگ۔
شھیدانی کولانی سر ءَ نہ اوشت اَنت لیڈر کلوھانی سر ءَ کار نہ کن اَنت پریاد کن اَنت ادارہ سازی ادارھاں مُھکم کن اِت بلے روچ پہ روچ رھبنداںی پمالی گیش بیتگ ۔
دنیا بلوچ ءَ سر پد اِنت کہ ناتپاک اَنت ھالانکہ دنیا یے سر ءَ انچیں مُلک جوڑ بیتگ آھاں چہ بلوچ ءَ کمتر ھون رھتگ آھاں آجوئی گپتگ وت ءَ را منّارینتگ بلوچستان ھزدار ءَ اجتماعی کبر ءِ ودی بیت سدانی کچّ ءَ جوں سَڑینتگیں کُنٹ در کپیت انسانی ھکوکانی گپ جنوکیں ادارہ پرچہ ھاموش اَنت سبابب چی اِنت؟
چوش ھر یک رھشونے جِتا وتی توار ءَ پر جنت وتی گپ ءَ چہ وتی ٹولی یے نیمگ ءَ ھچ گپ نہ رؤت پرچی ءَ دنیا زانت کہ تو ناتپاک ءِ مرچی بلوچ چوش در پہ در اِنت اینکس ھون ریچگ ءَ اِنت دیم ءَ رَوگ ءَ نہ اِنت ایشی زمہ وار لیڈر شیپ اَنت۔
