نبشتہ کار ـــ سیاھل
سلمان لعل راہی نگور پنجگور ءِ جامندےءِ راہی نگور ءَ میتگ ماں 2015 قابض ریاست پاکستاں تیوگیں لوگ بلڈوزر کت انت ،بازیں لوگ مانداشت اں مردم اں بیہار دات کہ ادا چہ بِر ات۔علاقہ دُرستیں مردماں وتی لوگ جاگہ ڈگار درستانی یلا دیگ ءَ مجبور بوتاں پنجگور شہر ءَ پہ بزگی واری درپدری گوزینت اں۔سلمان ء لوگ والا برے کرایہ لوگ ءَ نشتاں برے یک جاگہ داں 2,3 سال ءَ رند وتی واستہ جاگہ زُرت ہمدا جامند بوتاں سلمان ءِ پت دبئی ءَ کار ءَ انت ءُ وتی لوگ ءَ چلائینگ ءَ انت۔من ہما کہ سلمان ءَ زاناں سکیں مہروان ایں انسانے سلمان ءَ چہ کسانی ءَ وانگ ءِ باز ھب است ات بلے من ہر وھد ءَ کہ ھال کُت گڈا منی گوں ما وانگ ءِ بارا گپے کُت ـ
من وھدے کہ گشت تو کالج ءَ برو کلاس اں بگر گشی یار دل وہ سک گشیت بلے کالج دور ایں منا سواری نیست بس مئے کرا نہ ایت ایں برے برے من رواں بلے پیدل ء روگ اوں نبیت ایں ـ
ہمے پیم ءَ FSc ھلاس بوھگ ءَ پد کہ من دچار کپت اں گڈا منا گشی من اوں ونت کناں من گشت او پرچہ انا۔گُشی یار بل اے گپ ء منا وڈ نیست من دیما ونت نکناں ہمدا باڈر ءَ رواں کایاں۔بلے بازیں منت کنگا پد گڈا گشی گڈا ایڈمیشن کایاں من ء ھال بدے۔ھفتگے پد من ھالے کت گشی من وڈے کت ء من اتکگاں شال ءَ ٹیسٹ ءِ تیاری کناں اے وھد ءَ باز گل ات۔
وانگ ء ات وھدے کہ انٹری ٹیسٹ داتے گڈا من ھاک کت تاں سک پریشان ات من جست کت چے بوتا منا بلکن ٹیسٹ فیل کتگ ،گشی انا گپ ایش انت ٹیسٹ منی 80٪ نمراں بلے منی سنگت ہما کہ 3 سالیں تیاری اں ایاں فیل کتگ منا ھچ وش نہ بوھگا انت۔وھدے کہ لسٹ اھت گڈا غازی یونورسٹی کمپوٹرسائنس اڈیمشن بوتاں گُڈا سک گل ات وانگ ء ات گوں بزگی ءَ منا یکبرے ھالے کت گشی نوں من لپٹاپ ء زرتگ آن لائن کار کناں وتی کستریں برات ء اوں وانیناں ۔لہتیں روچ پسر منا گشی منی چٹھی بوھگ ء اں من کایاں شال ءَ رواں پنجگور ءَ منا ماتے واستہ زھیر کنت چاران اے کایاں۔
من کہ گشت گڈا ٹیکی چے برے گوں گشی بس پریشان مبو ملتانی ھلواہ کاراں گوں بس دو روچ ءَ پد من ہمودا سر باں۔۔۔۔
بلے دو روچ پیسر شپے دو بج ءَ مناں سنگت ءِ ھال کنت یار سلمان آوں اوار جنگ بوت!
مرچی چیزے روچ بیت سلمان ء اور ائی ءِ سئے سنگت قابض ءَ آوار جتگ ھچ گواھے اوں نیست!
من ہمے جڈیت ایت داں کہ بلوچ وتی واجہ مبیت سلمان ہر روچ برگ باں ءُ بالاچ ءِ وڈیں ورناہ جنگ باں۔
