پٙنچ سال مُست اسے اسٹڈی سرکل سیٹی نودربر اٙس ارّرِفے اگہ نن آجوئی نا جہد اٹ ھوار مرین و بلوچستان آجو مرے گڑا آجو مروکا بلوچستان امٙر مٙرو ۔ ننا امٙرو وطن اٙس مٙرو ۔ ہی گٙل کریٹ کہ گِچینو سوج اس کرے ۔ منتوار ہمو سنگتا تا اٙرا بلوچستان لاھبریشن چارٹر اے جوڑ کرینو۔ نودربر اے پاریٹ دا چارٹر اٹ سرجمی (تفصیل) اٹ لِکّوکے کہ آجو مٙروکا بلوچستان امٙروس مٙرو۔اودے سرسری چارٹر نا اہم ٹِکّاتا بارہ ٹی پاریٹ۔
آجوئی نا دا تحریک ٹی راج ہر وڑانا قربانی تِنِّنگے ۔ ورنا مرے یا کماش ، نرینا مرے یا نِیاڑی غُٹ قربانی تِنِّنگو ۔ قربانی تننگو تاکہ ننا ڈھ ، راج و بروکا نسل آجو مرے ۔ دا ظلم و ستم چُٹِّر ۔ بروکا وخت جوان مرے ۔ گڑا الّم ذھن اٹ سوج اس بریک کہ ننا آجو مروکا وطن امٙروس مرو ۔ انت وڑانا سیاسی و حکومتی نظام اس مرو۔ انصاف نا نظام امر مرو ۔ مذہب و زِند امر مرور۔ دا غٹ سوج آتا جواب بلوچستان لاہبریشن چارٹر ٹی اریر ۔ داڑتوں اوار آجوئی خوا اوکا گٙل آک یوناہٹڈ نیشن و ہیلو مُلکاتاّ بلوچستان نا آجوئی کِن کُمٙک خواہنگو تو یو این و ایلو مُلکاک دا الّم اُریرہ و دا چاہِنگ خوارا کہ بلوچستان ٹی آجوئی اں پٙد انت نظام اس مرو ۔ انسانی حق آتا خیال مرو یا مروف۔ امن مرو یا مروف ۔ اندا وجہ اں راج نا بروکا وخت ( مستقبل ) نا خاطر چارٹر اس جوڑ کننگ الّمی اسکہ۔
آجوئی نا تحریک ٹی اوّلی وار آجوئ کن و آجوئی نا گڈ انا وخت کن راجی رہبر سنگت حیربیار مری و ہیلو سنگتاک اٙسے روڈ میپ اس جوڑ کریر۔ اودے بلوچستان لاہبریشن چارٹر پن تِسُّر ۔ دا چارٹر راج تون اسے وختی ( کنٹرکٹ ) اسے و آجوئی کن کسر سے۔ وختی( کنٹرکٹ ) دا وڑات کہ آزاد بلوچستان تینا ہر شہری نا آزادی ، جمہوریت و انصاف اے الّم پورٙوّ کرو ۔ داڑتون اوار بلوچستان ایلو آزاد و جمہوری راج تون امن اٹ مرو ۔ مزہبی شِدّت پسندی مروف و بلوج رواج نا وڑ اٹ ہر مزہب آزاد مرو۔ چارٹر نا اصل مسخت کہ بلوچ انت خواہک و آجو مروکا بلوچستان نا پالیسیک امر مرور۔ چارٹر ١١ زبان اٹ گوگل اٹ ہم موجود اے۔ سنگتاک دا چارٹر اے آجوئی خواہوکا گٙل آتا مونا تِخار و داسا راج نا مونا ہم تخوکے کہ دادے خوانِر و تینا سلاہ سوج ( سجیسشن ) اے ایتر۔ چارٹر نا اِرٙٹ ٹِک ان بید اٙس ایلو غٹ ٹِک آتیٹی جوڑجاڑی نا وس ارے ۔ اٙسِٹ متحدہ بلوچستان نا آجوئ ایلو آجوئ ان گُڈ اسے حقیقی جمہوری سیاسی نظام اس۔
راج بلوچستان لاہبریشن چارٹر اے پوروی ٹی خوانے و پو مرے کہ نن امر آجو مرون و آجوئ ان گڈ ننا زِند امر مرو ۔ ننا وطن امروس مرو ۔ ہمو وطن ہرا ننا تاریخی ڈغار اے ۔ ہراڑکے ننا وطن زادہ آک قربانی تِسُّنو و تننگو ۔ دا بدحالی ، غریبی ، غلامی و ایران او پاکستان نا ہر دے نا غیر انسانی ظلم ، نسل کشی و دُزّی۔
غٹ اے چٹِّفنگ نا اسٹنّگا حل بس آجوئ اے ۔ گڑا ببو یکجہتی کینبو و اواریٹی تینا لمّی آ ڈھ ءِ آجو کینبو۔ دا چارٹر ننا اواری ( یکجہتی ) نا اہم او ذریعہ سے۔
