کوئٹہ ( ہمگام نیوز) بلوچستان لبریشن فرنٹ کے ترجمان میجر گوھرام بلوچ نے کہا کہ بلوچ سرمچاروں نے 31 جولائی کی شام پانچ بجے کیچ کے علاقے تمپ میں ابدوئی اور شیپچار کے درمیان واقع قابض پاکستانی فوج کی ایک چوکی پر حملہ کیا جس ایک اہلکار ہلاک اور ایک زخمی ہوا ہے۔
یہ حملہ بی ایل ایف کی اسنائپر ٹیم نے اس وقت کیا جب اہداف واضح نشانے پر موجود تھے۔اہداف پر جانے والی ٹیم کی طرف سے لی گئی تصویر میڈیا کو جاری کی گئی ہے جس میں اہداف کو واضح طور پر دیکھا جاسکتا ہے جنھیں بعد ازاں نشانہ بنایا گیا۔
پاکستانی فوج کو بلوچستان کے ہر انچ پر شدید مزاحمت کا سامنا ہے اور بلوچ سرمچار دشمن کے حصار میں گھس کر اپنے اہداف حاصل کرنے کی صلاحیت رکھتے ہیں۔
ترجمان کا کہنا ہے کہ بین الاقوامی سرمایہ کار پاکستان کے ساتھ شراکت سے گریز کریں ہم کسی ایسے منصوبے کو کامیاب ہونے نہیں دیں گے جو بلوچ قومی مفادات کے خلاف ہو اور بلوچستان کے وسائل کی لوٹ کو ہر ممکن قیمت پر روکیں گے۔
بلوچستان کی آزادی تک دشمن کے مفادات پر بی ایل ایف کے حملے جاری رہئیں گے۔
