ایش چیز ءَ کَسے بزانت بِہ پھم ایت یک باسکے ءِ بستار ءُ ارزشت چی اِنت؟ ءُ ھما مراگش ءِ سرکماش ھم بزان اَنت کہ یک کوپگ باسکے ءِ بستار چی ایں؟ گڑا کار گوں جوانیں رنگے ءَ جوڑ بنت ،ھما مراگش پروگرام ناکام ءُ بے سوب نَبنت۔
آھاں کہ باسک ءُکوپگاناں کدر نہ داتگ اَنت تاں ایش کچّ ءَ باسکانی گپ ھم گوش نداشتگ اَنت باسک بے ارزش کُرتگ اَنت آ مراگش مکسد ھدپ پُشت ءَ شُتگ اَنت۔
کارکُن باسک ءِ ارزشت ھمینکس بالا اِنت چوش کہ یک باڑی یے جسمے جانے ءِ رُو ءُ ساہ بہ بیت ۔ بے ساہ ءَ جسم بے پائدگ ،ھمے پیم پارٹی گل بے باسک ءَ پارٹی گُشگ نہ بنت۔
بلوچ جُھد پارٹی کہ ھست اَنت آھاں بازتاوان نُکس کُرتگ آھانی یک نُکسے ھمیش بوتگ کہ باسک کوپگ بے ارزشت کنگ بوتگ اَنت۔ باسکانی بے ارزشت کنگ ءَ پارٹیاں تاوان وارتگ سرکماشانی جِنداں ھم ۔۔۔۔۔۔۔۔۔ درونت من دات کنیںبلے سنگت وت بزان اَنت کہ باسک ءِ بستار ءُ ارزش ءَ۔
باسک ءِ بزانت کوپگ ۔ باسکانی کُربانی ءَ چہ مُدام کار دیم پہ منزل ءَ شُتگ ءُ سر بوتگ اَنت ۔باسکانی مھنتّ بَنت جُھد بنت راھبندانی سر ءَ یک باسکے ءَ را باسکے گیش بیت انچُش دو ءَ چے سئے تاگتور بَنت۔
باسک ءِ ارزشت باز اِنت، کانونی مراگش بِبنت گروپ بِبنت آھانی اولی سیڑی باسک بنت کہ کاراں بندات کن اَنت۔
دُنیا ءَ ھچ گلے پارٹی یے بے باسک ءَ دیم ءَ نہ شُتگ ۔کارکُنانانی مھنت ءَ چہ مزن مزنیں کار سوبمند بوتگ اَنت، مراگشاں دیمروئی کُرتگ ،کوپگانی یکجاھی ءَ چہ دژمن بے سوب بوتگ اَنت۔
ھر مراگشے کہ بیت آ مراگشانی دیم ءَ بَروک باسک کوپگ بوتگ اَنت ۔
بے باسک ءَ ناں کارے دیم ءَ شُتگ ناں کارے جوڑ بوتگ۔
چوش کہ کانونی راھبندی دروشم ءَ پروگرام کہ بنت ھما پروگرام ءِ باسک ءِِ گپ باید گوشدارگ بہ بیت شرّیں گپ بیت بزوراش، ھرابیں بیت مہ زوراش۔
باسکءِ کہ گپ گوشدارگ بیت آ باسک گیش تاگت ور بیت، باسک زانت من ءَ ارزشت ھست گیش ءَ چہ گیش دلگوش دنت وتی کارانی سر ءَ۔
اگاں چوش کہ سروک ءِ جِند دُز ھر وھد ءَ وت راھبندانی ھلاپ اِنت لوٹیت منی ھمراہ ھم دُز جوڑ بہ بیت آ سروک ءِ کاروان بے سوبیں کاروانانی تہ ءَ شُمار بیت۔
راھبند باسک ءَ گپ کنگ ءِ اجازت موہ دنت کہ وتی گپاں بکنت ردی یے گندی آ گپ بکنت وتی سنگتانی نیام ءَ آ دگہ درست باسک سروک وتی باسک ءِ گپ ءَ گوش بدار اَنت شکایت بنت یا رائے بنت ایرادگیری بنت یکبرے گوش بدار اَنت راھبند ءِ ھساب ءَ۔
باسک ءِ یا کوپگ ءِ جائزیں گپ گوشدارگ مہ بیت بزاں آ باسک بے ارزش اِنت بے بستار اِنت۔ کوپگ ءِ بے ارزش کنگ ھمے مانا بزانت ءَ دنت کہ بہ پھم ھما مکسد ءِ جند ءِ بے ارزشت کنگ اِنت۔
بلوچ جُھدءِ تہ ءَ باسکانی گپ گوشدارگ نہ بوتگ۔ باسک بے ارزشت کنگ بوتگ اَنت ۔آ درست چیز شُمئے دیم ءَ اَنت وتسری تنزیم گلانی پروشگ جِتا جِتا کنگ بھر بھر ٹکر کنگ یک تاگتے دو کنگ وتی وڑ ءَ بے باسکانی مشورہ سلاہ ءَ بے کانونی ءَ سودا بازییانی تھ ءَ وت ءَ گرک کنگ تنزیم گلانی تاوان دیگ ایش کار درست باسک کوپگانی بستار ارزش نہ دیگ چہ مئے بلوچ جُھدئِ سر ءَ آتکگ اَنت۔
باسک کوپگ رائے دینت رائے گوش دارگ بِبنت ھچ گل پارٹی تاوان نہ وارت منزل ءَ سر بیت۔
1۔باز شُتگ گوکو کُرتگ سنگت گُش اَنت نوک تنزیم کاری کن نوکیں رمز جوڑ کن تاں دژمن سرپد مہ بیت سنگتاں نہ کُرت ۔
2۔چیر جنگی ءَ مرعات لالچ ءَ گوں ھور مہ کن ھور کُرت ۔
3۔منشیات جَت تنزیم گلانی سر ءَ ھچ ھرچ درچ نہ کُرت وتی لابیانی سر ءَ ھورد بُرد کُرت سنگت وت مہ جنگ دات اَنت گُشت بار مہ جن گپ وتی مردماں مہ کُش پہ زر ایش کار ھم کُرت اَنت ۔
4۔ نوکیں دگہ کار بندات بوت سنگتاں کسے کہ بلوچ جُھدے دژمنی ءَ کنت مُکبری ءَ وت بجن دگہ مُلکانی دست ءَ پہ زر لب لالچ ءَ بھایے مہ کن شُما بھا کُرت اِد ءَ پد ءَ گپ نہ زُرت۔۔۔۔۔۔۔۔۔۔مکسد باسک کوپگانی بے ارزش کنگ تنزیم پارٹی گلے بے ارزش کنگ ءِ مانا بزانت ءَ دنت۔
سنگت دوست واجھاں باسکانی گپاں گوش بدار اِت وتی سنگتاں ارزشت بِدئے ات۔ ارزشت مندیں بلوچ جُھد تھنا یک نپرے ءِ جنگ نہ اِنت کُلیں بلوچ ءِ جنگ اِنت۔
