ھمگام بلوچی
درست ملکاں پہ وت گروپ جوڑ کُرتگ اتھاد اتپاک اَنت یک دومی ءَ گوں کُمک کار اَنت وتی مکسد ءِ سر ءَ مالی نپری جنگی ساز ءُ سامانانی ھوری ءَ گوں۔
ما کہ زی ھور ھوار آتیں گڑا یک سوچ پگر آتیں بلوچ نیشنل پرنٹ ءِ ھساب ءَ کار ءَ آتیں یک جار یک توار یک مکسد ما تاگت وار آتیں بی ایس او آزاد آت آئی سرکل آئی دیوان گوں جوانیں اسولانی سر ءَ دیم ءَ رَواں آت اَنت بی ایس او آزات زُرّت بزگ کُرت دِگہ وڑیں تاب دات آزاتیں شوکیں بی ایس او وتی پابند کُرت چہ دژمن ءَ گیش نُکساں دات پرچہ کہ بی ایس او آزات ءِ اسول راھبند بیتگ بی ایس او ئے کارکُن آزات بہ بیت کہ کُجام گَل تنزیم ءَ رؤت بروت ھمیش وھد ءَ بلوچستان ءَ جنگ تیز بوت چست کنوکائی بوت سنگت وارنٹ بوت اَنت بی این ایم ءِ مستریں سنگت بی ایس او آزات ءِ زمہ داریں سنگتانی براس آت اَنت گوں وتی مردمان ھور بی ایس او آزات وتی پابند کُرت ھمے وڑ ءَ بی ایل ایپ ءَ ھم چانس کُرت تھنا وتی تپنگ بڈ دات انت زانت ءِ چمّگ یک جاھے کُرت گلام کُرت اے رنگ کنگ ءَ سرجمیں بلوچ راج ءَ را تاوان بوت او آ دگہ گل تنزیماناں۔
مرچی بی ایس او آزات گوں زاکر مجیدی رنگے پگری سنگتان بوت انت مرچی درست گلّاناں ھور تپاک کُرتگ اَنت کار گیش گیوار بوت اَنت
بی این ایم ءَ انچُش گوں جوانیں پگری سنگتاں گوں ڈڈیں موکپاں دیم ءَ روگ ءَ آت دژمن ءَ گپت چست کُرت اَنت شھید کُرت اَنت ۔
تچکیں سنگتانی شھیدی ءَ چے رند مرچی جِتا جِتائیں پگری کارکنانان وتی راہ چوٹ چاپوٹ کُرتگ لالچ لب مرات ساھگانی ھاترا ءَ بنداتی موکپ تاب داتگ اَنت۔
او تنکید ھچ برداشت نہ کن اَنت کہ پارٹی گلانی یک اھم ءُ مُھمیں الّمتریں سرھال بُن گپے ما ھچ رنگ ءَ (تنکید برائے تعمیر ) ءَ برداشت کُت نہ کنیں انکلابی سنگت باید تنکید برداشت بکنت اُوپار بکنت گڑا پہ تعمیرے نیمگ ءَ رؤنت نونیں انکلابیانی سر ءَ تنکید بکن ئے بد بر اَنت زھر کن اَنت زَاہ ءُ بد کن انت۔
بی این ایم ءِ اے وھد ءِ موکپ او کوھنیں موکپانی تھہ دگری پرک ھست آ وھد ءَ بلوچ نیشنل پرنٹ ءِ جار کوکار بیتگ ایران پاکستان مردہ باد بی این ایم ھور بوتگ سرمچاریں سیاسی سنگتانی ھوری ءَ۔
مرچی بی این ایم ءِ گلتیں پالیسیانی سباب ءَ روکپتی بلوچستان ءِ بلوچان گلائیش اِنت وتی دژمن جوڑ کن اَنت۔
روبرکتی بلوچے پہ لُنکئے نان گجر ءَ جتگ شھید کُرتگ گڑا رودرآتکی شھران پنجگور او جتائیں جاھاں پرگ بند بوتگ۔
گپ بلوچ ءِ بیتگ بلوچ ءَ را کبزا گیراں یک رنگ ءَ تاوان داتگ او انگت دیگ اَنت آ مردمان باور نہ بیت بیا انت وت بچار اَنت سیمسری جاھاں ایران پاکستان ءِ زولمان سر پد ببنت کہ اود ءِ بلوچ وتی مرگ ءَ وت مُرتگاں یا کہ کبزاں گیرانی تیرانی نشانگ آماچ بوتگ اَنت؟
دل سوچیت کہ تنکید کن آں بی این ایم بی ایل ایپ ءِ باز سنگت ءَ وتی نُگرائیں جان پہ ازیمیں مکسد ءَ داتگ گپ جنی نبشتہ کنی کہ منی توار پہ ھما سرپدیں زانتکاریں سنگتاں پہ سر بہ بیت بلکیں وتی نادانیں سنگتاں بدار اَنت تاں بلوچ وت ما وت یک دومی ءَ جنگ مہ بنت دژمن سازیں امل مزن مہ بنت۔
وتی دست ءَ چہ روبرکتی کبزا گیر ءَ چہ بہ کش انت۔شھید گلام مھمد شھید لالہ منیر شھید آگاہ آبد شاہ رازاک گُل او آ دگہ بازیں شھیدانی سر ءَ پہ داگ میار اَنت وتی کمانڈراں بچار اَنت روبرکتی بلوچستان ءَ رودرآتکی کبزا گیرے گشگ ءَ پہ چست کنگ بوتگ اَنت لھتیں پاکستان ءِ دست ءَ دیگ بوتگ لھتیں ایران ءِ ھوری ءَ تیرانی امبار کنگ بوتگ سنگت آبد سنگت توپیل سنگت کپٹن روبرکت ءَ گجر ءُ پنجابی ءِ گشگ ءَ بازیں سنگت نشانگ کنگ بوتگ اَنت براہ راست پنجابی ءَ ڈرک دھمکی داتگ روبرکتی بلوچستان ءَ ما شمارا جناں کئی پُشت ءَ ایش گپ جتگ پنجابی ءَ زرنگ ءَ زرنگ چہ گجرے پُشت ءَ۔
چہ رودرآتک ءَ پنجابی گجر ءَ انچُش پاور تاگت داتگ اَنت پہ گجرے پورس لشکر ءَ جاسوس چاروپاسو جوڑ کنائگ اَنت اینکس دژمن تپاک اَنت کہ سیجل شناس نامہ یا پجار نامہ مہ بیت گجرے رودرآتکی ءَ پجار نامائے سر ءَ تر ءَ زوریت پہ روبرکت ءَ پہ گجرے کاراں ھمے رودرآتکی پنجابی یے کنت۔
منی متلب اینکس تاں تپاک اَنت پنجابی گجر۔
روبرکتی بلوچستان ءَ سراوان سرباز ایرانشهر چابهار سیمسری ھنداں بازیں بلوچ شھید کنگ بوتگ اَنت دژمنانی تیران۔
انو پد ءَ گجر ءَ پنجگور ءِ لوگانی سر ءَ اُرش کُرت گونڈیں زھگ شھید کُرت اَنت دومی شپ پنجابی ءَ شمسر ءَ لوگ جت درست ڈکّ لوگ جت اَنت اِد ءَ پد ءَ گونڈل زھگ ماس پس کُل گوں یک ھاندان ءَ شھید کُرت اَنت ۔
دژمن دیریں سر ما سر اَِنت بلوچ ءَ وت ما وت جنگ بدانت گڑا ما باید الم لازوم سرپد بیبیں گجر پنجابی ھر شپ میٹنگ دیوان کن اَنت ما گیش بلوچ ءَ چوں کنڈوم بکنیں نسل ءَ ئے زیان گار بکنیں ما انگت بیاں دائیں بلوچ مزلوم نہ انت چوش مہ کن اِت بلوچ مزلومیں راجے بلوچ کُل یک لوگے پرزند۔
دسبندی کنی آ دگہ پارٹی ءُ تنزیمانی سنگتاں وتی اطلاعاتاں شنگ بکن اَنت سیمسرانی سر ءَ بچار اَنت گجر پنجابی چینکس ھور اَنت تپاک اَنت بچار اَنت۔ بلوچے مستریں تاگت وریں دژمن کے اِنت؟
منی متلب ایش نہ اِنت بی ین ایم پروشت پروش ءِ تھہ بئیت من گش آں بی این ایم وتی کُھنیں موکپ ءِ سر ءَ بئیت ایران پاکستان مردہ باد پوئینٹ ءِ سر ءَ کار بکنت تاں رودرآتک روبرکت گوریچان ھور بہ بنت۔
اگاں نئیت ایش پوئینٹ ءِ سر ءَ زرر نُکس بی این ایم او بی ایل ایپ ءَ بیت مھلوک ملت ھمراہ داری نہ کن اَنت روبرکتی بلوچ ءِ دژمن بیت وتی بلوچ کہ دژمن بوت دلجمی ءَ سر ءَ بزان کہ گجر ءِ ھمراھی ءَ ترا تاوان داتگ بلوچ گجرے ءُ پنجابیانی سر ءَ وش نہ اَنت۔
وھدے لوٹ ھمیش اِنت بی این ایم بی ایل ایپ دوبر وتی ھما پیسری موکپانی سر ءَ بیا اَنت انونیں جاورانی لوٹ اِنت۔
بی این ایم ءُ بی ایل ایپ ءِ روبرکتی سوچ پگر ءَ چے کُل بلوچ راج تاوان وارت بلوچستان ءِ آجوئی پُشت روت۔
جوانتر ھمیش بیت وت ءَ دست کش بکنت چہ روبرکتی دژمن ءِ نزیکی ءَ۔امیت کنی گوں ھوسلہ ءَ دوبر مستریں کیادتانی ریکارڈاں نَزر چمشانک بداینت دیما بِراونت منی گپاں ھوسلہ کن اِت دلرنج مہ بیں اسول پہ درست آجوئی دوستاں پہ یک اَنت ایش منی ھک بیت من چیزے گنداں وتی کومے راجے دیما بیاراں اے جنگ کُل بلوچ راجے جنگ اِنت۔
بلوچستان آجو بات۔